سورة النجم - آیت 4

إِنْ هُوَ إِلَّا وَحْيٌ يُوحَىٰ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

یہ تو وحی ہے جو اس پر نازل ہوتی ہے۔

تفسیرتیسیرارحمٰن - محمد لقمان سلفی

بلکہ وہ سب اللہ کی وحی ہوتے ہیں، جیسا کہ اللہ نے سورۃ النساء آیت (113) میں فرمایا ہے : İوَأَنْزَلَ اللَّهُ عَلَيْكَ الْكِتَابَ وَالْحِكْمَةَĬ ” اللہ نے آپ پر کتاب و حکمت یعنی قرآن و سنت دونوں نازل کیا ہے“ صاحب ” فتح البیان“ لکھتے ہیں یہ آیت دلیل ہے کہ نبی کریم (ﷺ) کی سنت وحی ہوتی تھی جو آپ کے دل میں ڈال دی جاتی تھی۔