سورة ق - آیت 38

وَلَقَدْ خَلَقْنَا السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ وَمَا مَسَّنَا مِن لُّغُوبٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور ہم نے آسمانوں اور زمین کو اور جو ان کے درمیان میں ہے چھ دن میں بنایا ۔ اور ہمیں کچھ ماندگی (ف 2) نہ آئی۔

تفسیرتیسیرارحمٰن - محمد لقمان سلفی

(28) اقوام گزشتہ کے ان واقعات سے وہ لوگ نصیحت حاصل کریں گے جو عقل سے بہرہ ور ہوں گے، جس سے کام لے کر کفر سے تائب ہوں گے اور اپنے کان سے ان کی خبریں سن کر، چوکنا دل و دماغ کے ساتھ سوچیں گے کہ اگر ہم نے کفر پر اصرار کیا تو ہمارا انجام انہیں کافر قوموں جیسا ہوگا جن کے واقعات یہاں بیان کئے گئے ہیں۔