سورة الزخرف - آیت 88

وَقِيلِهِ يَا رَبِّ إِنَّ هَٰؤُلَاءِ قَوْمٌ لَّا يُؤْمِنُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور رسول کے یوں کہنے کی قسم کہ اے رب یہ وہ لوگ ہیں کہ ایمان نہیں لاتے ۔ (اس کی ضرور مدد ہوگی)۔

تفسیرتیسیرارحمٰن - محمد لقمان سلفی

(42) اللہ تعالیٰ نے فرمایا کہ اسے اپنے رسول (ﷺ) کی اس درد بھری بات کا علم ہے کہ اے میرے رب ! یہ مشرکین مکہ ایمان نہیں لائیں گے، ان کا عناد اور ان کے دل کی سختی حد سے بڑھی ہوئی ہے۔