سورة الزخرف - آیت 70

ادْخُلُوا الْجَنَّةَ أَنتُمْ وَأَزْوَاجُكُمْ تُحْبَرُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

تم اور تمہاری عورتیں جنت (ف 1) میں داخل ہوجاؤ کہ تمہاری عزت کریں۔

تفسیرتیسیرارحمٰن - محمد لقمان سلفی

اللہ تعالیٰ ان سے مزید کہے گا کہ اے میرے بندو ! تم اپنی نیک بیویوں کے ساتھ جنت میں داخل ہوجاؤ، جہاں تمہیں ایسی فرحت و شادمانی ملے گی کہ تمہارے چہرے کھل اٹھیں گے یہی بات سورۃ المطففین کی آیت (24) میں یوں کہی گئی ہے :﴿تَعْرِفُ فِي وُجُوهِهِمْ نَضْرَةَ النَّعِيمِ﴾” آپ ان کے چہروں سے ہی نعمتوں کی تروتازگی پہچان لیں گے۔ “