سورة الزخرف - آیت 12

وَالَّذِي خَلَقَ الْأَزْوَاجَ كُلَّهَا وَجَعَلَ لَكُم مِّنَ الْفُلْكِ وَالْأَنْعَامِ مَا تَرْكَبُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور جس نے کل چیزوں کے جوڑے بنائے اور تمہارے لئے کشتیاں اور چوپائے بنائے جن پر تم سوار ہوتے ہو۔

تفسیرتیسیرارحمٰن - محمد لقمان سلفی

(5) اس ذات باری تعالیٰ کی صفت یہ بھی ہے کہ اس نے انواع و اقسام کی چیزیں اور تمام حیوانات و نباتات کے جوڑے پیدا کئے ہیں، صرف اس کی ذات فرد ہے، اس کا کوئی جوڑا نہیں ہے اور اس نے انسان کو کشتی بنانے کا علم دیا اور اس کے لئے چوپائے پیدا کئے لوگ ان کشتیوں اور چوپایوں پر سوار ہو کر سفر کرتے ہیں۔