سورة الشورى - آیت 29

وَمِنْ آيَاتِهِ خَلْقُ السَّمَاوَاتِ وَالْأَرْضِ وَمَا بَثَّ فِيهِمَا مِن دَابَّةٍ ۚ وَهُوَ عَلَىٰ جَمْعِهِمْ إِذَا يَشَاءُ قَدِيرٌ

ترجمہ سراج البیان - مولانا حنیف ندوی

اور اس کی نشانیوں میں سے آسمانوں اور زمین اور ان جانوروں کی پیدائش (ف 1) ہے جو ان دونوں کے درمیان پھیلائے ہیں اور وہ جب چاہے انہیں جمع کرنے پر قادر ہے

تیسیر الرحمن لبیان القرآن - محمد لقمان السلفی رحمہ اللہ

اور اللہ تعالیٰ کی عظمت و قدرت کے مظاہر میں سے یہ بھی ہے کہ اس نے آسمانوں اور زمین کو عجیب و غریب ہئیت و کیفیت میں پیدا کیا ہے اور چوپائے پیدا کئے ہیں جو زمین پر چلتے رہتے ہیں اور فرشتے پیدا کئے ہیں جو فضائے آسمانی میں تیرتے رہتے ہیں اور اس کے مظاہر قدرت میں سے یہ بھی ہے کہ وہ ہر ذی روح کو موت کے گھاٹ اتار دے گا اور تمام کے تمام مٹی میں گل سڑ جائیں گے اور جب قیامت آئے گی تو اسرافیل (علیہ السلام) کے ایک صور کے ذریعہ تمام کو زندہ کر کے اپنے سامنے لاکھڑا کرے گا۔