سورة فصلت - آیت 52

قُلْ أَرَأَيْتُمْ إِن كَانَ مِنْ عِندِ اللَّهِ ثُمَّ كَفَرْتُم بِهِ مَنْ أَضَلُّ مِمَّنْ هُوَ فِي شِقَاقٍ بَعِيدٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

تو کہہ بھلا دیکھو لو یہ (قرآن) اللہ کی طرف سے ہوا ، پھر تم اس کے منکر ہوئے تو اس سے زیادہ گمراہ کون ہے جو دُور کی مخالفت میں ہے۔

تفسیرتیسیرارحمٰن - محمد لقمان سلفی

(35) نبی کریم (ﷺ) کی زبانی قریش کو مخاطب کیا گیا ہے جو قرآن کریم کے وحی الٰہی ہونے کا انکار کرتے تھے کہ اگر یہ قرآن اللہ کا کلام ہے اور تم اس کا انکار کرتے ہو تو بتاؤ تو سہی کہ تم سے بھی زیادہ کوئی گمراہ ہوسکتا ہے؟ یہ حقیقت تو روز روشن کی طرح واضح ہوچکی ہے کہ قرآن واقعی اللہ کا کلام ہے اور تم بغیر دلیل و برہان اس کا انکار کئے جا رہے ہو۔