سورة غافر - آیت 33

يَوْمَ تُوَلُّونَ مُدْبِرِينَ مَا لَكُم مِّنَ اللَّهِ مِنْ عَاصِمٍ ۗ وَمَن يُضْلِلِ اللَّهُ فَمَا لَهُ مِنْ هَادٍ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

جس دن پیٹھ پھیر کے بھاگوگے اللہ تمہیں بچانے والا نہیں رہے گا اور جسے اللہ گمراہ کرے اسے کوئی راہ دکھانے والا نہیں۔

تفسیرتیسیرارحمٰن - محمد لقمان سلفی

مرد مومن نے کہا : میں تمہارے بارے میں اس دن سے ڈرتا ہوں جس دن تم حساب کے بعد از خود میدان محشر سے جہنم کی طرف بھاگ رہے ہو گے اس دن تمہیں عذاب الٰہی سے کوئی نہیں بچا سکے گا اور جسے اللہ گمراہ کر دے اسے کون ہدایت دے سکتا ہے؟