سورة ص - آیت 61

قَالُوا رَبَّنَا مَن قَدَّمَ لَنَا هَٰذَا فَزِدْهُ عَذَابًا ضِعْفًا فِي النَّارِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کہیں گے اے ہمارے رب جو کوئی بلا ہمارے آگے لایا ہے آگ میں اس کا وہ چند عذاب بڑھا دے۔

تفسیرتیسیرارحمٰن - محمد لقمان سلفی

پھر اللہ سے کہیں گے کہ اے ہمارے رب ! جن مجرمین نے دنیا میں ہمیں گمراہ کیا تھا اور آج ہمارے عذاب کا سبب بنے ہیں، ان کو جہنم میں دوہرا عذاب دے۔ جیسا کہ سورۃ الاحزاب آیت (68) میں آیا ہے کہ عام اہل جہنم اپنے سرداروں کے بارے میں کہیں گے : ﴿رَبَّنَا آتِهِمْ ضِعْفَيْنِ مِنَ الْعَذَابِ﴾ ” اے ہمارے رب ! انہیں دوہرا عذاب دے۔ “