(21) اللہ تعالیٰ نے نبی کریم (ﷺ) سے فرمایا کہ آپ داؤد، سلیمان اور ایوب کی طرح ہمارے بندوں ابراہیم، اسحاق اور یعقوب کے حالات کو بھی یاد کیجیے جو ہماری اطاعت و بندگی میں بڑی قوت کا مظاہرہ کرتے تھے اور دین کی اچھی سمجھ رکھتے تھے اور اسرار شریعت سے خوب واقف تھے اور چونکہ یہ سب ہر دم فکر آخرت میں لگے رہتے تھےاس کی کامیابی کے لئے کوشاں رہتے تھے اور لوگوں کو اسی کی دعوت دیتے تھے اور دنیا اور اس کی لذتوں پر دھیان نہیں دیتے تھے،