سورة ص - آیت 15
وَمَا يَنظُرُ هَٰؤُلَاءِ إِلَّا صَيْحَةً وَاحِدَةً مَّا لَهَا مِن فَوَاقٍ
ترجمہ سراج البیان - مولانا حنیف ندوی
اور یہ لوگ بھی ایک چنگھاڑ ہی کی راہ دیکھتے ہیں ۔ جو بیچ میں دم نہ لے گی
تیسیر الرحمن لبیان القرآن - محمد لقمان السلفی رحمہ اللہ
(7) کفار قریش کے بارے میں کہاجا رہا ہے کہ انہیں اب صرف اس صور کا انتظار ہے جو قریب قیامت پھونکا جائے گا اور اس آواز کے ساتھ ہر جاندار ہلاک ہوجائے گا، صرف اللہ کی ذات باقی رہ جائے گی، یعنی عذاب جہنم اور ان کے درمیان صرف صور اسرافیل حائل ہے۔