سورة يس - آیت 28

وَمَا أَنزَلْنَا عَلَىٰ قَوْمِهِ مِن بَعْدِهِ مِن جُندٍ مِّنَ السَّمَاءِ وَمَا كُنَّا مُنزِلِينَ

ترجمہ سراج البیان - مولانا حنیف ندوی

اور ہم نے اس کے بعد اس کی قوم پر آسمان سے کوئی فوج نازل نہیں کی اور ہم فوجیں نہیں اتارا کرتے

تفسیر تیسیر الرحمن لبیان القرآن - محمد لقمان سلفی صاحب

15 مرد صالح حبیب بن موسیٰ نجار کے قتل کئے جانے کے بعد، اس کافرو ظالم قوم کا ہلاک کیا جانا اللہ تعالیٰ کے نزدیک ثابت ہوگیا، جس کے لئے اس نے آسمان سے کوئی فوج نہیں نازل کی اور نہ ہی اس کی ضرورت تھی، وہ تو ایک چیخ تھی جس کے اثر سے آناً فاناً سبھی ہلاک ہوگئے اور اپنے تمام گناہوں کے ساتھ اچک لئے گئے، تاکہ قیامت کے دن ان کا بوجھ لئے میدان محشر میں اپنے رب کے حضور کھڑے ہوں اور ان کا بدلہ چکھیں۔