سورة الروم - آیت 35

أَمْ أَنزَلْنَا عَلَيْهِمْ سُلْطَانًا فَهُوَ يَتَكَلَّمُ بِمَا كَانُوا بِهِ يُشْرِكُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

کیا ہم نے ان (اہل مکہ) پر کوئی سند نازل کی ہے کہ جو یہ شرک کرتے ہیں اس کو وہ بتلارہی ہے۔

تفسیرتیسیرارحمٰن - محمد لقمان سلفی

(21) مشرکین اپنے شرک پر کیوں اصرار کرتے ہیں اور ان کے کردار میں ایسا بین تضاد کیوں پایا جاتا ہے، کیا ہم نے ان کے پاس کوئی صریح اور واضح دلیل بھیج دی ہے جو انہیں شرک کی طرف بلاتی ہے؟ ایسی کوئی بات نہیں ہے۔ سوائے تقلید آباء اور کفر و عناد کے اور کوئی سبب نہیں ہے۔