سورة العنكبوت - آیت 36

وَإِلَىٰ مَدْيَنَ أَخَاهُمْ شُعَيْبًا فَقَالَ يَا قَوْمِ اعْبُدُوا اللَّهَ وَارْجُوا الْيَوْمَ الْآخِرَ وَلَا تَعْثَوْا فِي الْأَرْضِ مُفْسِدِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور مدین (ف 1) کی طرف ان کے بھائی شعیب کو بھیجا ۔ پھر بولا اے قوم اللہ کی عبادت کرو اور آخری دن کی امید رکھو اور زمین میں فسادنہ کرتے پھرو۔

تفسیرتیسیرارحمٰن - محمد لقمان سلفی

(19) اللہ نے مدین والوں کو ہدایت کے لیے شعیب (علیہ السلام) کو نبی بناکر بھیجا یہ واقعہ سورت الاعراف اور سورت ہود میں گذرچکا ہے یہ لوگ ابراہیم (علیہ السلام) کی نسل سے تھے شعیب نے توحید باری تعالیٰ اور آخرت پر ایمان لانے کی دعوت دی اور ناپ تول میں کمی بیشی کرکے اور مسافروں کو لوٹ کر زمین میں فساد پھیلانے سے منع کیا ۔