سورة العنكبوت - آیت 32

قَالَ إِنَّ فِيهَا لُوطًا ۚ قَالُوا نَحْنُ أَعْلَمُ بِمَن فِيهَا ۖ لَنُنَجِّيَنَّهُ وَأَهْلَهُ إِلَّا امْرَأَتَهُ كَانَتْ مِنَ الْغَابِرِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بولے وہاں لوط رہتا ہے ۔ بولے ہم خوب جانتے ہیں جو کوئی اس میں رہتا ہے ۔ ہم اس کو اور اس کے اہل کو نجات دینگے مگر اس کی عورت کہ رہے گی رہ جانے والوں میں۔

تفسیرتیسیرارحمٰن - محمد لقمان سلفی

ابراہیم (علیہ السلام) نے ان بستی والوں پر رحم کھاتے ہوئے اور اس امید میں کہ شاید وہ ایمان لائیں اور اپنے گناہوں سے تائب ہوجائیں کہا کہ لوط بھی وہاں رہتے ہیں پھر تم انہیں کیسے ہلاک کرو گے، فرشتوں نے جواب دیا ہم خوب جانتے ہیں کہ وہاں کون لوگ ہیں، ہم انہیں اور ان کے مسلمان رشتہ داروں کو بچالیں گے اور ان کی بیوی سمیت تمام کافروں کو ہلاک کردیں گے۔