سورة العنكبوت - آیت 26

فَآمَنَ لَهُ لُوطٌ ۘ وَقَالَ إِنِّي مُهَاجِرٌ إِلَىٰ رَبِّي ۖ إِنَّهُ هُوَ الْعَزِيزُ الْحَكِيمُ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

پھر لوط اس پر ایمان لایا اور کہا میں اپنے رب کی طرف ہجرت کرتا ہوں ۔ بےشک (ف 3) وہی زبردست حکمت والا ہے۔

تفسیرتیسیرارحمٰن - محمد لقمان سلفی

(15) ابراہیم (علیہ السلام) کی دعوت توحید کو ان کی قوم میں سے صرف ان کے بھتیجے لوط (علیہ السلام) اور ان کی بیوی سارہ نے قبول کیا اس کے بعد وہ اپنا وطن چھوڑ کر ملک شام کی طرف روانہ ہوگئے تاکہ وہاں پوری آزادی کے ساتھ اللہ ی عبادت کریں اور دوسروں کو اللہ کے دین کی طرف بلائیں۔