سورة القصص - آیت 67

فَأَمَّا مَن تَابَ وَآمَنَ وَعَمِلَ صَالِحًا فَعَسَىٰ أَن يَكُونَ مِنَ الْمُفْلِحِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

سو جس نے توبہ کی اور ایمان لایا اور نیک کام کئے ۔ سو امید ہے کہ وہ نجات پانے والوں میں ہو۔

تفسیرتیسیرارحمٰن - محمد لقمان سلفی

(34) جو مشرکین اس دنیا میں شرک سے توبہ کرلیں گے اللہ اور اس کے رسول پر ایمان کی تجدید کرلیں گے عمل صالح کریں گے، فرائض وواجبات کو ادا کریں گے اور گناہوں سے بچیں گے انہیں اللہ تعالیٰ جہنم سے بچالے گا اور اپنے فضل وکرم سے جنت میں داخل کردے گا۔