سورة الأنبياء - آیت 59

قَالُوا مَن فَعَلَ هَٰذَا بِآلِهَتِنَا إِنَّهُ لَمِنَ الظَّالِمِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بولے کس نے ہمارے معبودوں سے یہ کیا ؟ وہ کوئی (بڑاہی) ستمگار ہے ۔

تفسیرتیسیرارحمٰن - محمد لقمان سلفی

واپس آنے کے بعد جب انہوں نے بتوں کا یہ حال دیکھا تو کہنے لگے کہ جس نے ہمارے معبودوں کے ساتھ ایسی اہانت آمیز حرکت کی ہے، اس نے بہت ہی برا کام کیا ہے کہ جن بتوں کی ہم پرسش کرتے تھے ان کے ٹکڑے ٹکڑے کردیئے ہیں