سورة طه - آیت 91

قَالُوا لَن نَّبْرَحَ عَلَيْهِ عَاكِفِينَ حَتَّىٰ يَرْجِعَ إِلَيْنَا مُوسَىٰ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بولے کہ ہم برابر اسی بچھڑے کے معتکف (مجاور) رہیں گے ، جب تک موسیٰ ہمارے پاس لوٹ کر آئے ۔

تفسیرتیسیرارحمٰن - محمد لقمان سلفی

تو ان گمراہوں نے جواب دیا کہ موسیٰ کے واپس آنے تک ہم اپنے اسی معبود کی عبادت کریں گے۔ ہارون (علیہ السلام) نے جب اس بت پرستی پر ان کا اصرار دیکھا تو ان بارہ ہزار افراد کو لے کر الگ ہوگئے، جنہوں نے بچھڑے کی پوجا نہیں کی تھی۔