سورة طه - آیت 4

تَنزِيلًا مِّمَّنْ خَلَقَ الْأَرْضَ وَالسَّمَاوَاتِ الْعُلَى

ترجمہ سراج البیان - مولانا حنیف ندوی

یہ اس کا اتارا ہوا ہے جس نے زمین اور بلند آسمانوں کو پیدا کیے ۔

تیسیر الرحمن لبیان القرآن - محمد لقمان السلفی رحمہ اللہ

آیت (4) میں قرآن کریم کی عظمت شان کو بیان کیا گیا ہے کہ اے میرے نبی ! یہ قرآن آپ پر آپ کے رب کی جانب سے نازل ہوا ہے جس نے زمین اور اونچے آسمان پیدا کیے ہیں، مخلوقات میں سے زمین و آسمان کا بطور خاص اس لیے ذکر آیا کہ بندے اللہ کی ان عظیم مخلوقات کا ہر وقت مشاہدہ کرتے رہتے ہیں۔