سورة مريم - آیت 52

وَنَادَيْنَاهُ مِن جَانِبِ الطُّورِ الْأَيْمَنِ وَقَرَّبْنَاهُ نَجِيًّا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور ہم نے اسے کوہ طور کی داہنی جانب سے پکارا اور بھید بتانے کو اسے اپنے نزدیک کیا ۔

تفسیرتیسیرارحمٰن - محمد لقمان سلفی

(32) موسیٰ (علیہ السلام) مدین سے واپسی میں طور پہاڑ کے پاس سے گزرے، وہاں انہیں آگ کی ضرورت پڑی، دیکھا کہ پہاڑ کی طرف ایک درخت تھا جس کے درمیان سے آواز آئی کہ اے موسیٰ ! میں اللہ ہوں، اللہ نے انہیں قریب کیا اور ان سے سرگوشی کی اور بغیر واسطہ وحی کے اللہ ان کی بات سن رہا تھا، اور وہ اللہ کی بات سن رہے تھے، اللہ، اللہ قربان جایئے۔ موسیٰ (علیہ السلام) کی اس خوش بختی اور ان کی اس عظمت پر۔