سورة الكهف - آیت 87

قَالَ أَمَّا مَن ظَلَمَ فَسَوْفَ نُعَذِّبُهُ ثُمَّ يُرَدُّ إِلَىٰ رَبِّهِ فَيُعَذِّبُهُ عَذَابًا نُّكْرًا

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

بولا جو کوئی ظالم ہے ہم اسے عذاب دیں گے ، پھر وہ اپنے رب کی طرف جائے گا ، اور وہ بھی اسے سخت عذاب دے گا ۔

تفسیرتیسیرارحمٰن - محمد لقمان سلفی

(54) ذوالقرنین نے کہا جو شرک و کفر کے ذریعہ دنیا میں فساد پھیلاتا رہے گا اور دوسروں کو گمراہی کی دعوت دے گا اسے ہم قید و بند سے گزاریں گے اور قتل کریں گے اور موت کے بعد قیامت کے دن جب اپنے رب کے پاس جائے گا تو وہ اسے انتہائی سخت عذاب دے گا