سورة المرسلات - آیت 23
فَقَدَرْنَا فَنِعْمَ الْقَادِرُونَ
ترجمہ سراج البیان - مولانا حنیف ندوی
پھر ہم نے اندازہ کیا ، سو ہم خوب اندازہ (ف 3) کرنے والے ہیں
تفسیر تیسیر القرآن - مولانا عبدالرحمٰن کیلانی
[١٤] اندازہ یہ ہے کہ جب تک بچہ کی پوری قوتیں اور اس کے اعضاء مکمل نہیں ہوجاتے۔ بچہ رحم مادر میں ہی رہتا ہے اور جب ہر قسم کی نشوونما مکمل ہوجاتی ہے تو اس کے بعد ایک دن بھی بچہ رحم مادر میں نہیں رہ سکتا۔ ماں کو دردیں شروع ہوجاتی ہیں۔ اور اس وقت تک یہ دردیں ختم نہیں ہوتیں جب تک بچہ وضع ہو کر اس کے رحم سے باہر نہ نکل آئے۔