سورة ص - آیت 37

وَالشَّيَاطِينَ كُلَّ بَنَّاءٍ وَغَوَّاصٍ

ترجمہ سراج البیان - مولانا حنیف ندوی

اور شیاطین بھی تابع کردیئے (یعنی) ساری عمارتیں بنانے والے اور غوطہ لگانے والے

تفسیر تیسیر القرآن - مولانا عبدالرحمٰن کیلانی

[٤٣] جن آپ علیہ السلام کے حکم کے تحت بلند و بالا عمارتیں تعمیر کرتے تھے۔ دریاؤں میں غوطہ لگا کر ان سے ہیرے جواہرات موتی وغیرہ نکالتے تھے۔ دوسرے کام جو عام انسانوں کی طاقت سے زیادہ ہوتے تھے وہ آپ جنوں سے لیا کرتے تھے۔ مزید تفصیل کے لئے سورۃ انبیاء آیت نمبر ٨٢ اور سورۃ سبا آیت نمبر ١٢ کے حواشی۔