سورة يس - آیت 73

وَلَهُمْ فِيهَا مَنَافِعُ وَمَشَارِبُ ۖ أَفَلَا يَشْكُرُونَ

ترجمہ سراج البیان - مولانا حنیف ندوی

اور ان میں ان کے لئے بہت فائدے اور (ان کے دودھ دینے والے تھن ہیں گویا کہ) پینے (ف 2) کے گھاٹ ہیں پھر کیا وہ شکر نہیں کرتے ؟

تفسیر تیسیر القرآن - مولانا عبدالرحمٰن کیلانی

[ ٦٦] یہ سب قسم کے احسانات تو انسان پر اللہ تعالیٰ نے کئے۔ اب بجائے اس کے کہ وہ اللہ کا شکر ادا کرتا اس نے انہیں جانوروں کی قربانیاں بتوں کے نام پر کیں اور استھانوں میں کیں۔ بتوں کے نام پر جانور آزاد چھوڑے۔ جن کا ان جانوروں کی پیدائش میں اور ان کو انسان کے مطیع فرمان بنانے میں کچھ بھی عمل دخل نہ تھا۔ کیا اس سے بڑھ کر بھی کفران نعمت اور نمک حرامی ہوسکتی ہے؟