سورة النمل - آیت 5

أُولَٰئِكَ الَّذِينَ لَهُمْ سُوءُ الْعَذَابِ وَهُمْ فِي الْآخِرَةِ هُمُ الْأَخْسَرُونَ

ترجمہ سراج البیان - مولانا حنیف ندوی

یہ وہی لوگ جن کو بری طرف کا عذاب ہوتا ہے اور وہی آخرت میں سب سے زیادہ نقصان اٹھائیں گے

تفسیر تیسیر القرآن - مولانا عبدالرحمٰن کیلانی

[٥] ایسے لوگوں کی زندگی شتر بے مہار کی طرح ہوتی ہے۔ ہر ایک کی غرض دوسرے کی غرض سے ٹکراتی ہے۔ تو دنیا میں بھی ایسے لوگ خسارہ میں ہی رہتے ہیں اور آخرت میں ایسے لوگوں کا خسارہ میں رہنا ایک یقینی بات ہے۔ ان کو ایسے برے انجام سے سابقہ پیش آئے گا جس کا انھیں وہم و گمان بھی نہ تھا۔