سورة الحجر - آیت 51
وَنَبِّئْهُمْ عَن ضَيْفِ إِبْرَاهِيمَ
ترجمہ سراج البیان - مولانا حنیف ندوی
اور انہیں ابراہیم (علیہ السلام) کے مہمانوں کا حال سنا دے ،
تفسیر تیسیر القرآن - مولانا عبدالرحمٰن کیلانی
[٢٨] سیدنا ابراہیم کے مہمان فرشتے :۔ یہ مہمان فرشتے تھے جو اصل میں تو لوط علیہ السلام کی قوم کی طرف بھیجے جارہے تھے کہ ان کی بستی کو تباہ کر ڈالیں۔ پہلے وہ سیدنا ابراہیم علیہ السلام کی طرف آئے اور انھیں مہمان اس لیے کہا گیا کہ وہ اجنبی صورت میں آئے تھے وہ انھیں ایک بیٹے یعنی سیدنا اسحاق علیہ السلام کی بشارت دینے آئے تھے۔ یہ واقعہ پہلے سورۃ ہود کی آیت نمبر ٦٩ تا ٧٤ میں بھی گزر چکا ہے۔