قَدْ خَسِرَ الَّذِينَ قَتَلُوا أَوْلَادَهُمْ سَفَهًا بِغَيْرِ عِلْمٍ وَحَرَّمُوا مَا رَزَقَهُمُ اللَّهُ افْتِرَاءً عَلَى اللَّهِ ۚ قَدْ ضَلُّوا وَمَا كَانُوا مُهْتَدِينَ
اور بےوہ خراب ہوئے جنہوں نے بیوقوفی سے بےسمجھے اپنی اولاد کو قتل کیا اور جو رزق اللہ نے انہیں دیا تھا ، خدا پر جھوٹ باندھ کے اسے حرام سمجھ لیا ، بےشک بہک گئے اور راہ نہ پائی ۔
مشرکوں کی خود ساختہ شریعت: (۱) بتوں اور درباروں کے مجاوروں نے قانون سازی کے سارے اختیارات خود سنبھال رکھے ہیں۔ (۲) وہ اپنی افتراءات کو دین کا حصہ بنا دیتے ہیں۔ (۳) حیلوں اور بہانوں سے لوگوں سے مال بٹورتے اور اللہ تعالیٰ کے حقوق کو ضائع کردیتے ہیں۔ (۴) حلال و حرام کے قرار دینے کے اختیارات بھی انہی کے پاس ہیں۔ (۵) قتل اولاد کے مجرم تھے، غرض یہ کہ شرک کی کوئی قسم باقی نہ رہ گئی تھی جو انھوں نے اختیار نہ کی ہو، اللہ تعالیٰ ان کے جرائم بتا کر مسلمانوں کو متنبہ فرماتے ہیں کہ سر سے پاؤں تک شرک میں پھنسے ہوئے لوگوں کے راہ راست پر آنے کا کوئی امکان نہیں، جو خود بھی گمراہ ہوئے اور انھوں نے آنے والی نسلوں کو بھی گمراہی کی راہ پر ڈال دیا ہے۔