سورة الانعام - آیت 132

وَلِكُلٍّ دَرَجَاتٌ مِّمَّا عَمِلُوا ۚ وَمَا رَبُّكَ بِغَافِلٍ عَمَّا يَعْمَلُونَ

ترجمہ سراج البیان - مولانا حنیف ندوی

اور سب کے لئے حسب اعمال درجے ہیں اور تیرا رب ان کے اعمال سے بےخبر نہیں ۔

تسہیل البیان فی تفسیر القرآن - ام عمران شکیلہ بنت میاں فضل حسین

ہر عمل کرنے والا اپنے عمل کے بدلے کا مستحق ہے۔ نیک نیکی کا اور بد بدی کا ۔ خواہ انسان ہو یا جن بدکاروں کے جہنم میں درجے انکی بدکاری کے مطابق مقرر ہونگے، اور جو لوگ خود بھی کفر کرتے ہیں اور دوسروں کو بھی اللہ کے راستے سے روکتے ہیں، انھیں عذاب پر عذاب ہونگے انھیں اس فساد پھیلانے کا بدلہ ملے گا۔ نیکو کاروں کے درجے ان کے اعمال کے حساب سے ہونگے۔