سورة الانعام - آیت 86

وَإِسْمَاعِيلَ وَالْيَسَعَ وَيُونُسَ وَلُوطًا ۚ وَكُلًّا فَضَّلْنَا عَلَى الْعَالَمِينَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور اسماعیل (علیہ السلام) اور الیسع (علیہ السلام) اور یونس (علیہ السلام) اور لوط (علیہ السلام) کو ، اور سب کو ہم نے سارے جہان پر فضیلت دی ۔

تسہیل البیان فی تفسیر القرآن - ام عمران شکیلہ بنت میاں فضل حسین

اس آیت میں بھی چار انبیاء کا ذکر فرمایا۔ یہ سب بھی صالح لوگ تھے اور اپنے اپنے وقت میں تمام اقوام عالم اور افراد سے افضل تھے انھوں نے شرک کے خلاف جہاد کیا، تو حید کا بول بالا کرنے اور دعوت حق کے لیے تکلیفیں برداشت کیں، ہدایت یافتہ تھے، اللہ نے انہیں نبی بنا دیا۔