سورة الانعام - آیت 3

وَهُوَ اللَّهُ فِي السَّمَاوَاتِ وَفِي الْأَرْضِ ۖ يَعْلَمُ سِرَّكُمْ وَجَهْرَكُمْ وَيَعْلَمُ مَا تَكْسِبُونَ

ترجمہ سراج البیان - مولانا حنیف ندوی

اور آسمانوں اور زمین میں وہی اللہ ہے ، تمہارا خفیہ وآشکارا حال اور جو تم کماتے ہو ‘ وہ جانتا ہے ۔

تسہیل البیان فی تفسیر القرآن - ام عمران شکیلہ بنت میاں فضل حسین

اللہ ہر جگہ موجود ہے: اس کائنات کو پیدا کرنے والا۔ انتظام کرنے والا اکیلا اللہ سب اسکے ہاتھ میں ہے وہ تمہارے ظاہر و باطن حتیٰ کہ دلوں کے راز تک جانتا ہے اللہ ہی زمین و آسمان سے ماورا عرش پر ہے۔ اور زمین و آسمان میں اور ہر جگہ اس کی موجودگی اس کے علم و قدرت اور ان صفات میں کمال کی وجہ سے ہے اس کی قدرت کا یہ کمال ہے کہ وہ عرش پر ہوتے ہوئے بھی رتی برابر چیز کو دیکھ رہا ہے ہر پکارنے والی کی پکار سن رہا ہے۔