سورة البقرة - آیت 56

ثُمَّ بَعَثْنَاكُم مِّن بَعْدِ مَوْتِكُمْ لَعَلَّكُمْ تَشْكُرُونَ

ترجمہ سراج البیان - مولانا حنیف ندوی

پھر ہم نے تمہاری موت کے بعد تمہیں پھر اٹھا کھڑا کیا شاید کہ تم شکر کرو (ف ١) ۔

تسہیل البیان فی تفسیر القرآن - ام عمران شکیلہ بنت میاں فضل حسین

حضرت موسیٰ نے دعا کی اور اللہ تعالیٰ نے انھیں زندہ کردیا کہ شاید اب ہی یہ شکر کرنے والے بن جائیں۔ انھیں اس لیے زندہ کیا گیا تاکہ وہ اپنی عمر اور اپنا رزق پورا کرکے مریں ورنہ وہ قیامت کے دن ہی اٹھائے جاتے۔