سورة النسآء - آیت 134
مَّن كَانَ يُرِيدُ ثَوَابَ الدُّنْيَا فَعِندَ اللَّهِ ثَوَابُ الدُّنْيَا وَالْآخِرَةِ ۚ وَكَانَ اللَّهُ سَمِيعًا بَصِيرًا
ترجمہ سراج البیان - مولانا حنیف ندوی
جو کوئی دنیا کا ثواب چاہتا ہے سو اللہ کے پاس دنیا اور آخرت کا ثواب موجود ہے اور خدا سنتا دیکھتا ہے ۔
تسہیل البیان فی تفسیر القرآن - ام عمران شکیلہ بنت میاں فضل حسین
جو دنیا کا بدلہ چاہے مثلاً اگر کوئی شخص صرف مال غنیمت حاصل کرنے کے لیے جہاد میں شرکت کرتا ہے تو یہ کتنی بڑی نادانی ہے۔ جبکہ اللہ تعالیٰ دنیا و آخرت دونوں کا ثواب عطا کرنے پر قادر ہے۔ دنیا کا بدلہ تو محدود ہے اور آخرت ہمیشہ کا بدلہ ہے ۔ اس لیے انسان کو اپنے شعور سے ابدی فائدے کا سوچنا چاہیے۔