سورة النسآء - آیت 96

دَرَجَاتٍ مِّنْهُ وَمَغْفِرَةً وَرَحْمَةً ۚ وَكَانَ اللَّهُ غَفُورًا رَّحِيمًا

ترجمہ سراج البیان - مولانا حنیف ندوی

اس کی طرف سے درجے ہیں بخشش اور مہربانی ہے اور اللہ بخشنے والا مہربان ہے ۔

تسہیل البیان فی تفسیر القرآن - ام عمران شکیلہ بنت میاں فضل حسین

جہاد کے بھی کئی درجے ہیں۔ مثلاً قلم سے جہاد، اشاعت دین بھی جہاد ہے۔ وغیرہ لیکن جو لوگ اپنی جانوں اور مال سے اللہ کی راہ میں اللہ کا کلمہ بلند کرنے کے لیے جہاد کریں گے، ان کے اللہ کے ہاں بڑے درجے، مغفرت اور رحمت ہے۔ اور اللہ تعالیٰ بخشنے والا اور رحم فرمانے والا ہے۔