سورة الجن - آیت 25

قُلْ إِنْ أَدْرِي أَقَرِيبٌ مَّا تُوعَدُونَ أَمْ يَجْعَلُ لَهُ رَبِّي أَمَدًا

ترجمہ سراج البیان - مولانا حنیف ندوی

تو کہہ میں نہیں جانتا کہ جس چیز کا تم سے وعدہ کیا گیا ہے وہ قریب ہے یا میرا رب اس کے لئے ایک مدت کی حد ( مقرر) کرے گا

تسہیل البیان فی تفسیر القرآن - ام عمران شکیلہ بنت میاں فضل حسین

قیامت كب ہوگی اللہ كے سوا كسی كو معلوم نہیں: اللہ تعالیٰ اپنے نبی كو حكم دیتا ہے كہ آپ كہہ دیجئے كہ قیامت كب ہوگی اس كا علم مجھے نہیں بلكہ میں تو یہ بھی نہیں جانتا كہ اس كا وقت قریب ہے یا دور ہے ہاں اتنی بات میں جانتا ہوں كہ وہ آئے گی ضرور چاہے جب بھی آئے۔