سورة المعارج - آیت 12

وَصَاحِبَتِهِ وَأَخِيهِ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

اور اپنی بیوی اور اپنا بھائی۔

تسہیل البیان فی تفسیر القرآن - ام عمران شکیلہ بنت میاں فضل حسین

یہ وہ دن ہوگا كہ اس دن ہر گنہگار كا دل یہ چاہے گا كہ اپنی اولاد كو اپنے فدیہ میں دے كر آج جہنم كے عذاب سے چھوٹ جائے۔ اور اپنی بیوی كو اور اپنے بھائی كو اور اپنے كنبے كو اور اپنے خاندان كو اور قبیلے كو بلكہ چاہے تمام روئے زمین كے لوگوں كو جہنم میں ڈال دیا جائے لیكن اسے آزاد كر دیا جائے۔ آہ! كیا ہی دل گداز منظر ہے كہ اپنے كلیجے كے ٹكڑوں كو، اپنی شاخوں كو اور اپنی جڑوں كو سب كے سب كو آج فدا كرنے پر تیار ہے تاكہ خود بچ جائے۔