فَاتَّقُوا اللَّهَ مَا اسْتَطَعْتُمْ وَاسْمَعُوا وَأَطِيعُوا وَأَنفِقُوا خَيْرًا لِّأَنفُسِكُمْ ۗ وَمَن يُوقَ شُحَّ نَفْسِهِ فَأُولَٰئِكَ هُمُ الْمُفْلِحُونَ
سو جہاں تک تم سے ہوسکے اللہ سے ڈرو (ف 1) اور سنو اور مانو اور خرچ کرو تمہارے لئے اچھا ہے اور جو کوئی اپنے جی کی (ناجائز اور ممنوع) لالچ سے بچایا گیا ۔ سو ایسے ہی لوگ مراد کو پہنچنے والے ہیں
یعنی جہاں تك ہو سكے مال و اولاد كے مقابلے میں اللہ كی اطاعت كو ترجیح دو اور اس كی معصیت سے اجتناب كرو اور مقدور پھر اللہ كا خوف ركھو۔ صحیحین میں ہے کہ ’’جو حكم میں كروں اسے اپنے مقدور بھر بجا لاؤ اور جس سے روك دوں رك جاؤ۔‘‘ (بخاری: ۷۲۸۸) پھر فرماتا ہے، جب تم كوئی چیز اللہ كی راہ میں دو گے اللہ اس كا بدلہ دے گا ہر صدقے كی جزا عطا فرمائے گا۔ تمہارا مسكینوں كے ساتھ سلوك كرنا گویا خدا كو قرض دینا ہے۔ وَ مَنْ يُّوْقَ شُحَّ كی تفسیر سورئہ حشر میں گزر چكی ہے وہاں ملاحظہ فرما لیں۔