سورة التغابن - آیت 5
أَلَمْ يَأْتِكُمْ نَبَأُ الَّذِينَ كَفَرُوا مِن قَبْلُ فَذَاقُوا وَبَالَ أَمْرِهِمْ وَلَهُمْ عَذَابٌ أَلِيمٌ
ترجمہ سراج البیان - مولانا حنیف ندوی
کیا تمہیں ان لوگوں کی خبر نہیں پہنچی جو پہلے کافر تھے پھر انہوں نے اپنے کام کا وبال (سزا بدلا) چکھا اور ان کے لئے دکھ کا عذاب ہے ؟
تسہیل البیان فی تفسیر القرآن - ام عمران شکیلہ بنت میاں فضل حسین
’’ان لوگوں‘‘ سے مراد وہ سابقہ اقوام ہیں جن پر اللہ كی نافرمانیوں كی وجہ سے عذاب آیا تھا، اور یہ سزا نہ تو ان كی اصل سزا تھی اور نہ پوری سزا تھی۔ یہ عذاب تو انھیں محض اس لیے چكھایا گیا تھا كہ آئندہ جرائم سے باز آجائیں۔ اور مظلوم ان كے ظلم سے نجات پا جائیں۔ رہی پوری سزا تو وہ آخرت میں ملے گی۔