سورة الصف

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ

جو کچھ آسمانوں اور زمین میں ہے اللہ کی تسبیح کرتا ہے اور وہی غالب حکمت والا ہے

پہلی آیت كی تفسیر كئی بار گزر چكی ہے۔ یہاں اگرچہ حكم عام ہے لیكن اصل خطاب ان مومنوں سے ہے جو كہہ رہے تھے كہ ہمیں پسندیدہ اعمال كا علم ہو جائے تو ہم انھیں كریں، لیكن جب انھیں بعض پسندیدہ عمل بتائے تو سست پڑ گئے اس لیے ایسے لوگوں كو تو بیخ كی جا رہی ہے كہ خیر كی جو باتیں كہتے ہو، كرتے كیوں نہیں، جو بات منہ سے نكالتے ہو، اسے پورا كیوں نہیں كرتے، جو زبان سے كہتے ہو اس كی پاسداری كیوں نہیں كرتے۔