سورة الرحمن - آیت 35

يُرْسَلُ عَلَيْكُمَا شُوَاظٌ مِّن نَّارٍ وَنُحَاسٌ فَلَا تَنتَصِرَانِ

ترجمہ سراج البیان - مولانا حنیف ندوی

تم دونوں پر آگ کے صاف شعلے اور دھواں بھیجا جائے گا اور تم دونوں کچھ بدلہ نہیں لے سکو گے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی قیامت والے دن اگر تم بھاگ كر كہیں گئے بھی تو میرے فرشتے اور جہنم كے داروغے آگ برسا كر، دھواں چھوڑ كر، تمہارے سر پر پگھلا ہوا پیتل بہا كر تمہیں واپس لوٹا لائیں گے، تم نہ ان كا مقابلہ كر سكتے ہو نہ انھیں دفع كر سكتے ہو نہ ان سے انتقام لے سكتے ہو، پس تم اپنے رب كی كس كس نعمت كا انكار كرو گے۔