سورة آل عمران - آیت 177

إِنَّ الَّذِينَ اشْتَرَوُا الْكُفْرَ بِالْإِيمَانِ لَن يَضُرُّوا اللَّهَ شَيْئًا وَلَهُمْ عَذَابٌ أَلِيمٌ

ترجمہ سراج البیان - مولانا حنیف ندوی

جنہوں نے ایمان کے بدلے کفر خریدا ۔ وہ ہرگز خدا کو کچھ ضرر نہ پہنچا سکیں گے اور ان کے لئے دیھ دینے والا عذاب ہے ۔

تسہیل البیان فی تفسیر القرآن - ام عمران شکیلہ بنت میاں فضل حسین

جن لوگوں نے ایمان بیچ کر کفر خریدلیا۔ اللہ کا اس سے کچھ نقصان نہیں ہے۔ بلکہ ان ہی کے لیے دردناک عذاب ہے جن لوگوں کے لیے دنیا بڑی سعادت و خوش بختی ہے اور مال ہی سب کچھ ہے وہ دنیا پر ایمان لے آتا ہے اور کفر خریدلیتا ہے۔ سب کچھ دنیا پر لگادیا آخرت کے لیے کچھ نہیں لگایا۔ اور جن لوگوں کے لیے آخرت کی جوابدہی بڑی ہوجائے تو مسلمان پھر کسی بات پر سمجھوتہ نہیں کرسکتا۔