سورة الحجرات - آیت 10

إِنَّمَا الْمُؤْمِنُونَ إِخْوَةٌ فَأَصْلِحُوا بَيْنَ أَخَوَيْكُمْ ۚ وَاتَّقُوا اللَّهَ لَعَلَّكُمْ تُرْحَمُونَ

ترجمہ سراج البیان - مستفاد از ترجمتین شاہ عبدالقادر دھلوی/شاہ رفیع الدین دھلوی

مسلمان جو ہیں سو آپس میں بھائی بھائی ہیں تو تم اپنے دو بھائیوں کے درمیان ملاپ کرادو ۔ اور اللہ سے ڈرو شاید تم پر رحم (ف 1) ہو۔

تسہیل البیان فی تفسیر القرآن - ام عمران شکیلہ بنت میاں فضل حسین

جب تم صلح کرانے لگو تو اس بات کو ملحوظ رکھو کہ تم دو بھائیوں میں صلح کرا رہے ہو۔ لہٰذا پورے عدل و انصاف کو ملحوظ رکھ کر اور اللہ سے ڈرتے ہوئے یہ کام سر انجام دو۔ کہ نہ کسی فریق سے زیادتی ہو نہ کسی کی حق تلفی ہو۔ اگر تم ان کے درمیان عدل و انصاف سے صلح کرا دو گے تو اللہ تعالیٰ یقیناً تم پر مہربانی فرمائے گا کہ اللہ انصاف کرنے والوں کو پسند کرتا ہے۔ اور وہ انصاف کرنے والوں کو بہترین جزا دے گا۔