سورة الأحقاف - آیت 31

يَا قَوْمَنَا أَجِيبُوا دَاعِيَ اللَّهِ وَآمِنُوا بِهِ يَغْفِرْ لَكُم مِّن ذُنُوبِكُمْ وَيُجِرْكُم مِّنْ عَذَابٍ أَلِيمٍ

ترجمہ سراج البیان - مولانا حنیف ندوی

اے ہماری قوم اللہ کی طرف بلانے والے کی بات مانو اور اس پر ایمان لاؤ۔ کہ تمہارے گناہ بخشے اور دکھ دینے والے عذاب سے تمہیں بچاوے

تسہیل البیان فی تفسیر القرآن - ام عمران شکیلہ بنت میاں فضل حسین

ایمان لانے کے فائدے: یہاں ایمان لانے کے دو فائدے بتلائے گئے ہیں جو آخرت میں انہیں حاصل ہوں گے۔ (۱) ایک یہ کہ اللہ تعالیٰ ان کے بعض گناہ معاف فرما دے گا اور یہ گناہ وہ ہوں گے جن کا تعلق حقوق اللہ سے ہو گا کیوں کہ حقوق العباد معاف نہیں ہوں گے یہ آیت اس بات کی دلیل ہے کہ ثواب و عقاب، اور امر ونہی میں جنات کے لیے بھی وہی حکم ہے جو انسانوں کے لیے ہے۔ (۱) اور دوسرے یہ کہ انھیں درد ناک عذاب سے پناہ دے گا۔