سورة الجاثية - آیت 28

وَتَرَىٰ كُلَّ أُمَّةٍ جَاثِيَةً ۚ كُلُّ أُمَّةٍ تُدْعَىٰ إِلَىٰ كِتَابِهَا الْيَوْمَ تُجْزَوْنَ مَا كُنتُمْ تَعْمَلُونَ

ترجمہ سراج البیان - مولانا حنیف ندوی

اور تو ہر امت کو زانوں پر بیٹھا دیکھے گا ۔ ہر امت اپنی کتاب کی طرف بلائی جائے گی ۔ جیسا تم کرتے تھے ۔ آج بدلہ پاؤ گے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی پہلے ہر قسم کے مجرموں کے الگ الگ گروہ بنائے جائیں گے وہ دن ایسا ہولناک ہو گا کہ ہر شخص گھٹنوں پر گرا ہوا ہو گا یہ اس وقت جب کہ جہنم ان کے سامنے لائی جائے گی اور وہ ایک جھر جھری لے گی۔ جس سے ہر شخص کانپ اٹھے گا۔ اور اپنے گھٹنوں پر گر جائے گا۔ تاآنکہ سب کو حساب کتاب کے لیے بلایا جائے گا۔