سورة الجاثية - آیت 16

وَلَقَدْ آتَيْنَا بَنِي إِسْرَائِيلَ الْكِتَابَ وَالْحُكْمَ وَالنُّبُوَّةَ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَى الْعَالَمِينَ

ترجمہ سراج البیان - مولانا حنیف ندوی

اور ہم نے بنی اسرائیل کو کتاب اور حکمت اور نبوت دی اور اچھی چیزیں کھانے کو دیں ۔ اور تمام جہانوں پر انہیں فضیلت (ف 1) بخشی

تسہیل البیان فی تفسیر القرآن - ام عمران شکیلہ بنت میاں فضل حسین

بنی اسرائیل پر اللہ کے احسانات: یعنی ہم نے بنی اسرائیل کو تمام دینی اور دنیوی نعمتوں سے نواز تھا۔ ان میں ہزاروں کی تعداد میں پیغمبر مبعوث کیے گئے ان میں سے کئی بادشاہ بھی تھے۔ انھیں بنی نوعِ انسان کی ہدایت کے لیے تورات بھی دی تھی، اور کھانے پینے کو بہت وافر اور پاکیزہ رزق عطا کیا تھا۔ گویا اپنے دور میں بنی اسرائیل کو بقایا تمام اقوام پر ترجیح دی۔ انھیں ہم نے ہی خصوصی انعامات سے نوازا تھا۔