سورة الزخرف

فَاسْتَمْسِكْ بِالَّذِي أُوحِيَ إِلَيْكَ ۖ إِنَّكَ عَلَىٰ صِرَاطٍ مُّسْتَقِيمٍ

سو جو تیری طرف وحی کی گئی ہے اسے مضبوط پکڑے رہ ۔ بےشک تو سیدھی راہ پر ہے۔

یعنی آپ صلی اللہ علیہ وسلم یہ فکر چھوڑ دیجیے کہ ان مشرکوں پر اللہ کا عذاب کب نازل ہوتا ہے۔ نہ آپ صلی اللہ علیہ وسلم یہ فکر کریں کہ اسلام کو غلبہ کب نصیب ہو گا۔ آپ صلی اللہ علیہ وسلم کے اطمینان کے لیے یہی کافی ہے کہ آپ صلی اللہ علیہ وسلم ٹھیک راہ پر جا رہے ہیں۔ بس آپ صلی اللہ علیہ وسلم اتنا کیجیے کہ آپ کو اللہ کی طرف سے ساتھ کے ساتھ جو ہدایات مل رہی ہیں۔ ٹھیک اس کے مطابق عمل کرتے جائیے اور یہ بات اللہ پر چھوڑ دیجیے کہ وہ کب باطل کا سر کچلتا ہے اور کب حق کو غلبہ نصیب ہوتا ہے۔