سورة الزخرف - آیت 27

إِلَّا الَّذِي فَطَرَنِي فَإِنَّهُ سَيَهْدِينِ

ترجمہ سراج البیان - مولانا حنیف ندوی

مگر جس نے مجھے پیدا کیا سو وہ مجھے راہ دکھائے گا

تسہیل البیان فی تفسیر القرآن - ام عمران شکیلہ بنت میاں فضل حسین

وہی مجھے راہ دکھائے گا: سیدنا ابراہیم علیہ السلام نے جب یہ دیکھا کہ ان کے آباء و اجداد اور ان کی قوم سب اللہ کو چھوڑ کر بتوں کی پوجا کرنے لگ گئے ہیں تو انھوں نے برملا کہہ دیا تھا کہ مجھے ان بتوں کی بندگی سے سخت نفرت ہے۔ اور ساتھ ہی یہ دلیل بھی پیش کر دی کہ میں تو صرف اسی ذات کی بندگی کر سکتا ہوں جس نے مجھے پیدا بھی کیا ہے۔اور ہدایت کی راہ بھی دکھاتا ہے۔