سورة الشورى - آیت 43

وَلَمَن صَبَرَ وَغَفَرَ إِنَّ ذَٰلِكَ لَمِنْ عَزْمِ الْأُمُورِ

ترجمہ سراج البیان - مولانا حنیف ندوی

اور البتہ جس نے صبر کیا ۔ اور بخش دیا ۔ بےشک یہ بات ہمت (ف 1) کے کاموں میں سے ہے

تسہیل البیان فی تفسیر القرآن - ام عمران شکیلہ بنت میاں فضل حسین

یعنی زیادتی کو برداشت کر جانا بذات خود بڑی ہمت اور حوصلے کا کام ہے۔ جیسا کہ رسول اللہ صلی اللہ علیہ وسلم نے فرمایا کہ ’’پہلوان وہ نہیں جو دوسرے کو کشتی میں پچھاڑ دے، بلکہ وہ ہے جو غصہ کے وقت اپنے آپ کو ضبط میں رکھے۔‘‘ (بخاری: ۶۱۶۱) پھر اگر وہ صرف برداشت ہی نہ کرے بلکہ زیادتی کرنے والے کو معاف بھی کر دے۔ تو پھر اس کے کیاکہنے ہیں؟ اور یہ بڑے دل گردے کا کام ہے۔ اور صرف ان لوگوں کو نصیب ہوتا ہے جنہیں اللہ توفیق دیتا ہے۔