سورة الشورى

اللَّهُ الَّذِي أَنزَلَ الْكِتَابَ بِالْحَقِّ وَالْمِيزَانَ ۗ وَمَا يُدْرِيكَ لَعَلَّ السَّاعَةَ قَرِيبٌ

اللہ وہ ہے جس نے کتاب سچے دین پر اتاری اور ترازو بھی (نازل کی) اور تو کیا جانے شاید قیامت قریب آلگی ہو

یعنی اللہ نے حق کے ساتھ کتاب نازل فرمائی اور عدل و انصاف اتارا۔ جیسا کہ سورہ حدید (۲۵) میں ارشاد فرمایا کہ: ﴿لَقَدْ اَرْسَلْنَا رُسُلَنَا بِالْبَيِّنٰتِ﴾ ’’ہم نے اپنے رسولوں کو ظاہر دلیلوں کے ساتھ بھیجا اور ان کے ساتھ کتاب اور میزان اتاری تاکہ لوگ انصاف پر قائم ہو جائیں۔‘‘ سورہ رحمٰن (۷) میں ارشاد فرمایا کہ: ﴿وَ السَّمَآءَ رَفَعَهَا﴾ ’’آسمان کو اسی نے اونچا کیا اور ترازؤوں کو اسی نے رکھا تاکہ تم تولنے میں کمی بیشی نہ کرو۔ اور انصاف کے ساتھ وزن ٹھیک رکھو اور تول کو مت گھٹاؤ۔‘‘