وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ ۖ وَإِذَا ذُكِرَ الَّذِينَ مِن دُونِهِ إِذَا هُمْ يَسْتَبْشِرُونَ
اور جب اکیلے اللہ کا ذکر کیا جاتا ہے تو ان لوگوں کے دل جو آخرت پر ایمان نہیں رکھتے نفرت (ف 2) کرتے ہیں اور جب اللہ کے سوا اوروں کا ذکر کیا جاتا ہے تو اسی وقت وہ خوش ہوجاتے ہیں
ان کافروں کو توحید کا کلمہ سننا پسند نہیں۔ اللہ تعالیٰ کی وحدانیت کا سن کر ان کے دل تنگ ہو جاتے ہیں۔ ان کا جی اس میں نہیں لگتا، کفر و تکبرا نہیں روک دیتا ہے۔ جیسا کہ سورہ صافات میں ہے ارشاد کہ: ﴿اِنَّهُمْ كَانُوْا اِذَا قِيْلَ لَهُمْ لَا اِلٰهَ اِلَّا اللّٰهُ يَسْتَكْبِرُوْنَ﴾ جب ان سے کہا جاتا ہے کہ ایک اللہ کے سوا کوئی عبادت کے لائق نہیں تو یہ تکبر کرنے اور ماننے سے جی چراتے ہیں۔ چوں کہ ان کے دل حق کے منکر ہیں اس لیے باطل کو بہت جلد قبول کر لیتے ہیں۔ جہاں بتوں کا اور دوسرے معبودوں کا ذکر آیا، ان کی باچھیں کھل گئیں۔